ଭୁବନେଶ୍ୱର: ଦିଲ୍ଲୀ ନିଜାମୁଦ୍ଦିନ ଧାର୍ମିକ ସମାବେଶରେ ଯୋଗଦେଇ ଫେରିଥିବା ରାଜ୍ୟର୨୮ ଜଣ ବ୍ୟକ୍ତି ଚିହ୍ନଟ ହୋଇଛନ୍ତି| ଏମାନେ ସମସ୍ତ ପରୀକ୍ଷିତ ବୋଲି ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି | ଏଥିରେ କୁହାଯାଇଛି ଯେ ସେମାନଙ୍କ ମଧ୍ୟରୁ ୨୫ଜଣଙ୍କର କରୋନା ରିପୋର୍ଟ ନେଗଟିଭ୍ ଆସିଥିବା ବେଳେ
୩ ଜଣଙ୍କର ରିପୋର୍ଟ ପଜିଟିଭ୍ । ଏହି ତିନିଜଣଙ୍କ ଭିତରୁ କଟକ, ପୁରୀ ଏବଂ ଯାଜପୁରର ଜଣେ ଲେଖାଏଁ ବୋଲି ଏଥିରେ କୁହାଯାଇଛି।
H & FW Dept Odisha✔@HFWOdisha
Nizamuddin link tally so far:
28 persons identified in the State. All tested
25 negative
3 positive (one each in Cuttack, Puri and Jajpur)
‘ଆମେ ପୁଣି ଥରେ ସମସ୍ତଙ୍କୁ ଅନୁରୋଧ କରୁଛୁ, ଯେଉଁମାନେ ନିଜାମୁଦ୍ଦିନ ଘଟଣା ସହିତ ଜଡ଼ିତ ଅଛନ୍ତି, ସ୍ବେଚ୍ଛାକୃତ ଭାବରେ ୧୦୪କୁ କଲ କରନ୍ତୁ ଏବଂ ସେମାନଙ୍କ ସମ୍ପର୍କ ବିଷୟରେ ସୂଚନା ପ୍ରଦାନ କରନ୍ତୁ | ଭୟଭୀତ ଓ ଲୁଚିବାର କୌଣସି ଆବଶ୍ୟକତା ନାହିଁ | ଏହିପରି ବ୍ୟକ୍ତିଙ୍କ ବିଷୟରେ ଯେକୌଣସି ସୂଚନା ଥିବା ବ୍ୟକ୍ତି ୧୦୪କୁ ଜଣାଇ ପାରନ୍ତି | ଆପଣଙ୍କୁ ସୁରକ୍ଷିତ ରଖିବାରେ ଆମକୁ ସାହାଯ୍ୟ କରନ୍ତୁ |’
ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାବାସୀ ଟୋଲ୍ ଫ୍ରି’ ନମ୍ବର ୧୦୪କୁ ଫୋନ୍ କରି ୨୪ ଘଣ୍ଟା ମଧ୍ୟରେ ସ୍ୱାସ୍ଥ୍ୟ ପରୀକ୍ଷା କରାଇ ନିଅନ୍ତୁ ବୋଲି ବି ଅନୁରୋଧ କରିଛନ୍ତି ।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଜାରି ହୋଇଥିବା ଏକ ପତ୍ରରେ ଶ୍ରୀ ପଟ୍ଟନାୟକ କହିଛନ୍ତି ଯେ କେବଳ ସଚେତନା ଦ୍ୱାରା ହିଁ, ଆମେ କରୋନା ସଂକ୍ରମଣକୁ ରୋକି ପାରିବା । କରୋନାକୁ ଡରିବାର କିଛି ନାହିଁ, କିନ୍ତୁ ଆମକୁ ସାବଧାନ ରହିବାକୁ ହେବ।
Prasanta Patnaik