ତ୍ରିଦେବରୁ ଛ’ଦେବ ଗିରଫ:୧ ଲକ୍ଷ ୨୮ ହଜାର ଟଙ୍କା ଜବତ

ରାଉରକେଲା, ୨୩ା୮ : ପାନପୋଷ ଛକ ନିକଟରେ ଥିବା ତ୍ରିଦେବ ହୋଟେଲର ଏକ ଜୁଆ ଆଡ୍ଡାରେ ପୁଲିସ ଚଢ଼ଉ କରି ୬ ଜୁଆଡ଼ିଙ୍କୁ ଗିରଫ କରିଛି । ସମସ୍ତ ଜୁଆଡ଼ି ପ୍ରତିଷ୍ଠିତ ତଥା ନାମୀଦାମୀ ବ୍ୟବସାୟୀ । ସେମାନଙ୍କ ଠାରୁ ପୁଲିସ ୧ ଲକ୍ଷ ୨୮ ହଜାର ଟଙ୍କା ଜବତ କରିଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।

କୋର୍ଟରେ ସେମାନଙ୍କ ଜାମିନ ଖାରଜ ହୋଇଯାଇଛି । ତ୍ରିଦେବ ହୋଟେଲ ଜୁଆ ଖେଳ ଚାଲିଥିବା ପୁଲିସକୁ ଖବର ମିଳିଥିଲା । ପୁଲିସ ସେଠାରେ ସଦଳବଳେ ଚଢ଼ଉ କରିଥିଲା । ଚଢଉ ବେଳେ ପୁଲିସ ହୋଟେଲରୁ ୧ ଲକ୍ଷ ୨୮ ହଜାର ଟଙ୍କା, ତାସ ଓ ୬ଟି ଦାମୀ ମୋବାଇଲ ଫୋନ ସମେତ ଅନ୍ୟାନ୍ୟ ସାମଗ୍ରୀ ଜବତ କରିଥିଲା ।

ଜୁଆ ଖେଳୁଥିବା ବସନ୍ତ ସାମଲ, ଚରଣଜିତ ସିଂହ, ଶକ୍ତି ସେଠୀ, ଅବୋଧ କୁମାର, ଦୀନେଶ ଜୟସ୍ୱାଲ ଓ ଧବଲ କୁମାରକୁ ଗିରଫ କରିଥିଲା । ଗିରଫ ହୋଇଥିବା ସମସ୍ତ ଜୁଆଡ଼ି ଜଣେ ଜଣେ ପ୍ରତିଷ୍ଠିତ ବ୍ୟବସାୟୀ ବୋଲି ଜଣାପଡିଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଥିଲା । କୋର୍ଟରେ ଜାମିନ ନମିଳିବାରୁ ସମସ୍ତେ ଜେଲ ଯାଇଛନ୍ତି ।