ତିତଲିର ପ୍ରଭାବ ଉପକୂଳବର୍ତ୍ତୀ ଜିଲ୍ଲା ଯଥା ଗଂଜାମ, ଗଜପତି, ପୁରୀ, ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ ଓ ବାଲେଶ୍ୱରରେ ଦେଖିବାକୁ ମିଳିଛି ।ଗଂଜାମ ଓ ଗଜପତି ଜିଲ୍ଲାରେ ବଡ଼ ବଡ଼ ଗଛ ଭାଙ୍ଗି ଯାଇଥିବାବେଳେ ବିଦ୍ୟୁତ ସରବରାହରେ ମଧ୍ୟ ବାଧା ସୃଷ୍ଟି ହୋଇଛି ।
ତେବେ ଅଧିକ କ୍ଷତିଗ୍ରସ୍ତ ହୋଇଛି ଗଜପତି । ଚାଳଘର ଭାଂଗି ଯାଇଥିବାବେଳେ ପାରଳାଖେମୁଣ୍ଡିରେ ଯୋଗାଯୋଗ ବିଚ୍ଛିନ୍ନ ହୋଇଛି । ୩ ଲକ୍ଷରୁ ଅଧିକ ଲୋକଙ୍କୁ ୧୧୧୨ ଟି ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଛି । ବିଭିନ୍ନ ସ୍ଥାନରେ ଗର୍ଭବତୀଙ୍କୁ ସ୍ଥାନାନ୍ତର କରାଯାଇଛି । ଗଂଜାମ ଜିଲ୍ଲାରେ ୧୦୫ ଓ କେନ୍ଦ୍ରାପଡାର ୧୮ ଜଣ ଗର୍ଭବତୀଙ୍କୁ ସୁରକ୍ଷିତଭାବେ ଆଶ୍ରୟସ୍ଥଳୀକୁ ନିଆଯାଇଛି । ସାରା ରାଜ୍ୟରେ କିନ୍ତୁ ବର୍ଷା ଲାଗି ଲାହିବ ବୋଲି ଏସ୍ଆର୍ସି କହିଛନ୍ତି । ଏସଆରସି ପକ୍ଷରୁ ଦୁଇଟି ହେଲ୍ପଲାଇନ ନମ୍ବର ଜାରି କରିଛନ୍ତି । ୧୦୭୦ ଓ ୧୦୭୭ ଏହି ଦୁଇଟି ହେଲ୍ପଲାଇନ ନମ୍ବର ଜାରି କରାଯାଇଛି । ବର୍ତମାନ ମଧ୍ୟ ରାଜ୍ୟରେ ବନ୍ୟା ସ୍ଥିତି ଉପୁଜି ନ ଥିବା ଶ୍ରୀ ସେଠୀ ସୂଚନା ଦେଇଛନ୍ତି ।