ଡାଲମିଆ ଆଇଟିଆଇରେ ରକ୍ତଦାନ ଶିବିର ଅନୁଷ୍ଠିତ

ରାଉରକେଲା, ୧୮/୧୧ : ରାଜଗାଙ୍ଗପୁର ଝଗରପୁରସ୍ଥିତ ଡାଲମିଆ ଆଇଟିଆଇରେ ଡିଆଇଟିଆ ସହ ଆମ ଓଡିଶା ‘ସମ୍ବାଦ’ ପକ୍ଷରୁ ମିଳିତ ଭାବେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଶ୍ରୀ ଲୋକେଶ କୁମାର ବାହେତି ଓସିଏଲର ସହକାରୀ ପରିଚାଳନା ନିର୍ଦ୍ଦେଶକ ମୁଖ୍ୟ ଅତିଥି ରୂପେ ଯୋଗଦେଇ ଶିବିରକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ ।

ବଣାଇଁ ରକ୍ତଭଣ୍ଡାର ଅଧିକାରୀ ଏବଂ କର୍ମଚାରୀ ପ୍ରମୁଖ ୭୩ ୟୁନିଟ୍ ରକ୍ତ ସଂଗ୍ରହ କରିଥିଲେ । ଆଇଟିଆଇର ଅଧ୍ୟକ୍ଷ ଦେବବ୍ରତ ପ୍ରଧାନ ଏହି ଶିବିରରେ ଉପସ୍ଥିତ ରହି କର୍ମଚାରୀଙ୍କ ସହିତ ସୁପରିଚାଳନା କରିଥିଲେ । ଏହି ଶିବିରରେ ଡିଆଇଟିଆଇର ପ୍ରଶିକ୍ଷାର୍ଥୀ ତଥା କର୍ମଚାରୀ ଡିଆଇଏସଆଇଆରର କର୍ମଚାରୀ ଏବଂ ଓସିଏଲର କର୍ମଚାରୀ ବୃନ୍ଦ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ ।