ଡମ୍ପର ଧକ୍କାରେ ବାଇକ୍ ଆରୋହୀ ଗୁରୁତର

ରାଉରକେଲା, ୪ା୯ : ବେଦବ୍ୟାସ ସ’ମିଲ ଛକ ଠାରେ ଏକ ସଡ଼କ ଦୁର୍ଘଟଣାରେ ଜଣେ ବାଇକ୍ ଆରୋହୀ ଗୁରୁତର ଆହତ ହୋଇଛନ୍ତି । ଆହତ ବାଇକ୍ ଚାଳକ ହେଲେ ଜମୁନାନାକି ଅଞ୍ଚଳର ଗୌତ୍ତମ ମାଝି (୩୫) । ଗୌତ୍ତମ କୁଲୁଙ୍ଗାର ଏକ ଫ୍ୟାକ୍ଟ୍ରିରୁ କାମ ସାରି ବାଇକ୍ ଯୋଗେ ଘରକୁ ଫେରୁଥିବାବେଳେ ସ’ମିଲ ଛକଠାରେ ଏକ ଡମ୍ପର ପଛପଟୁ ତାଙ୍କୁ ଧକ୍କାଦେଇ ଫେରାର ହୋଇଯାଇଥିଲା । ଫଳରେ ସେ ରାସ୍ତା ଉପରେ ଛିଟ୍କି ପଡ଼ିଥିଲେ । ତାଙ୍କ ମୁଣ୍ଡ ରୋଡ଼ ଡିଭାଇଡ଼ରରେ ପିଟି ହୋଇଯିବାରୁ ସେ ଗୁରୁତର ଭାବେ ଆହତ ହୋଇଥିଲେ । ଗୌତ୍ତମଙ୍କୁ ସ୍ଥାନୀୟ ଲୋକେ ଉଦ୍ଧାର କରି ପ୍ରଥମେ ଆର୍ଜିଏଚ୍ ଓ ପରେ ଆଇଜିଏଚ୍ରେ ଚିକିତ୍ସା ପାଇଁ ଭର୍ତ୍ତି କରାଇଥିଲେ ।