ଠିକାଦାର କ୍ୟାମ୍ପ୍‌ରେ ମାଓ ଚଢ଼ାଉ; ଜଗୁଆଳିକୁ ହତ୍ୟା; ୫ ଗାଡ଼ି ପୋଡ଼ି

କନ୍ଧମାଳ, ଜାନୁଆରୀ ୬ : ରବିବାର ପ୍ରତ୍ୟୁଷରେ ସଦରଥାନା ଅନ୍ତର୍ଗତ ମଲ୍ଲିକପଡ଼ା ଠାରେ ଏକ ଠିକାଦାର କ୍ୟାମ୍ପ୍‌ ଉପରେ ମାଓବାଦୀମାନେ ଚଢ଼ାଉ କରି ରାତ୍ରୀ ଜଗୁଆଳଙ୍କୁ ହତ୍ୟା କରିବା ସହ ୫ଟି ଗାଡ଼ି ପୋଡ଼ି ପକାଇଛନ୍ତି।

ମାଓବାଦୀମାନେ ଚଢ଼ାଉ କରିଥିବା ଠିକାଦାର କ୍ୟାମ୍ପ୍‌ଟି ହେଉଛି ପ୍ରସନ୍ନ କୁମାର ସ୍ୱାଇଁଙ୍କର। ପ୍ରସନ୍ନ ସେ ଅଞ୍ଚଳରେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ତିଆରି କରାଉଥିଲେ। ରାତି ୨ଟା ପରେ ମାଓବାଦୀମାନେ ସେ କ୍ୟାମ୍ପ୍‌ ଉପରେ ଆକ୍ରମଣ କରି ରାତ୍ରୀ ଜଗୁଆଳ ଥିବା ରବୀନ୍ଦ୍ର ମଲ୍ଲିକଙ୍କୁ ଗୁଳି ମାରି ହତ୍ୟା କରିବା ସହ ୧ଟି ରୋଲର୍‌, ୩ଟି ଟ୍ରାକ୍ଟର୍‌ ଓ ଅନ୍ୟ ଗୋଟିଏ ଏସ୍‌ୟୁଭି ପୋଡ଼ି ପକାଇଛନ୍ତି।

ସ୍ୱାଇଁଙ୍କ ଉପରେ ପ୍ରତିଶୋଧ ନେବାକୁ ସେବେଠାରୁ ମାଓବାଦୀମାନେ ସୁଯୋଗକୁ ଅପେକ୍ଷା କରିଥିଲେ।