ଜୁଆଆଡ୍ଡାରେ ଚଢ଼ଉ: ୧୦ ଗିରଫ

ରାଉରକେଲା, ୧ା୧୧  : ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ଦାଣ୍ଡିଆପାଲି ଅଞ୍ଚଳରେ ମଙ୍ଗଳବାର ବିଳମ୍ବିତ ରାତିରେ ଏକ ଜୁଆଆଡ୍ଡାରେ ପୁଲିସ ଚଢ଼ଉ କରିଯାଇ ୧୦ ଜଣ ଯୁବକଙ୍କୁ ଗିରଫ କରାଯାଇଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।

କୋର୍ଟ ଚାଲାଣ ହୋଇଥିବା ଅଭିଯୁକ୍ତମାନେ ହେଲେ ବେଦବ୍ୟାସର ବିଶ୍ୱନାଥ ଗୁପ୍ତା, ହରିଓମ୍ ଜସୱାଲ, ଶ୍ୟାମ ଭୂମିଜ, ଭାସ୍କର ରାଓ, ଦାଣ୍ଡିଆପାଲିର ଦୀପକ ସାହା, ମଙ୍ଗଲୁ କିଷାନ, ଅଜୟ ବିଶ୍ୱକର୍ମା, ଉମେଶ ରାୱାନି, ଆନନ୍ଦ କୁଜୁର ଓ ବାଙ୍କୁ ଓରାମ । ସେମାନଙ୍କ ଠାରୁ ୭୮ ହଜାର ୬୧୦ ଟଙ୍କା, ୪ଟି ତାସ ପ୍ୟାକେଟ୍, ଗୋଟିଏ ଗାମୁଛା ଓ୧୦ଟି ମୋବାଇଲ ଜବତ କରାଯାଇଛି ।