ଛିନ୍ତାଇ ଅଭିଯୋଗରେ ୨ ଗିରଫ

ରାଉରକେଲା, ୪ା୯ : ସେକ୍ଟର-୧୮ ବି’ ବ୍ଲକ୍ ବସ୍ତିରୁ ଚେନ୍ ଛିନତାଇ ଅଭିଯୋଗରେ ଜଣକୁ ସ୍ଥାନୀୟ ପୁଲିସ ଗିରଫ କରିଛି । ସେକ୍ଟର-୧୮ର ପ୍ରମୋଦ ପଟ୍ଟ ନାୟକଙ୍କ ମା’ ଚଳିତ ମାସ ୨ ତାରିଖ ଦିନ ସକାଳୁ ଫୁଲ ତୋଳିବାକୁ ଯାଇଥିବା ବେଳେ ଜଣେ ଦୁର୍ବୃତ୍ତ ତାଙ୍କ ବେକରୁ ଚେନ୍ ଛିଣ୍ଡାଇ ଫେରାର୍ ହୋଇଯାଇଥିଲା । ଅଭିଯୋଗ ପାଇ ସେକ୍ଟର ୧୫ ପୁଲିସ ସମ୍ପୃକ୍ତ ଅଞ୍ଚଳର ବିଭିନ୍ନ ସ୍ଥାନରେ ଚଢ଼ଉ କରିଥିଲା । ଚଢଉ ବେଳେ ଅଭିଯୁକ୍ତକୁ ସେକ୍ଟର-୨୧ ସିଆଇଏସ୍ଏଫ୍ କଲୋନୀରୁ ଗିରଫ କରିଥିଲା । ସେହିପରି ଏହି ଚୋରି ସାମଗ୍ରୀ କିଣିବା ଅଭିଯୋଗରେ ଜଣଙ୍କୁ ଗିରଫ କରାଯାଇଥିବା ଜଣାପଡ଼ିଛି । ପୁଲୁସ ଚୋରି ସାମଗ୍ରୀ ଉଦ୍ଧାର କରିଛି ।