ନୂଆଦିଲ୍ଲୀ,ଅକ୍ଟୋବର ୧୧ ଏଠାରେ ନୁମାଇଶଖେତରେ ଏକ ଚିଚା ବାଘ ବିଳମ୍ବିତ ରାତିରେ ଘର ଅଗଣାରେ ମା’ ସହିତ ଛିଡା ହୋଇଥିବା ଏକ ଶିଶୁକୁ ଆକ୍ରମଣ କରିଥିଲା । ଚିତାଟି ଶିଶୁଟିକୁ ମା’ ପାଖରୁ ଟାଣି ନେବାକୁ ଚେଷ୍ଟା କରିଥିଲା, କିନ୍ତୁ ସାହାସୀ ମା’ ପାଂଚ ମିନଟ ପର୍ଯ୍ୟନ୍ତ ସଙ୍ଘର୍ଷ କରି ଶିଶୁଟିକୁ ଚିତା ମୁହଁରୁ ଛଡାଇ ଆଣିଥିଲା । ମହିଳାଙ୍କ ସାହାସ ,ଉପସ୍ଥିତ ବୁଦ୍ଧି ଓ ସ୍ଥାନୀୟ ଲୋକଙ୍କ ଭିଡ ଦେଖି ଚିତା ବାଘ ସେଠାରୁ ଫେରି ପଳାଇଥିଲା
ବୁଧବାର ରାତି ପ୍ରାୟ ୯ଟା ବେଳେ ନୁମାଇଶଖେତ ଅଂଚଳାର ଜଣେ ବାସିନ୍ଦା ନିଜର ୬ ବର୍ଷର ଶିଶୁ ପତ୍ରକୁ ପ୍ରଦୀପ ସିଂହ ସହିତ ଘଣ ଅଗଣାରେ ଛିଡା ହୋଇଥିଲେ । ମା’ ପୁଅ ଦୁହେଁ ନିକଟରେ ହେଉଥିବା ରାମ ଲୀଳା ଦେଖୁଥିବା ବେଳେ ଏହି ଘଟଣା ଘଟିଥିଲା । ମହିଳା ଜଣକ ସାହାସର ସହିତ ଶିଶୁକୁ ଜାବୁଡି ଧରିଥିଲେ ।
ଚିତା ବାଘଟି ମଧ୍ୟ ପାଂଚ ମିନିଟ ପର୍ଯ୍ୟନ୍ତ ଶିଶଟିକୁ ନେବା ପାଇଁ ଚେଷ୍ଟା କରିଥିଲା । ଏହି ସମୟରେ ମହିଳା ଜଣକ ଖୁବ ଜୋରରେ ପାଟି କରିବାରୁ ପାଟି ଶୁଣି ନିକଟରେ ରାମଲୀଳା ଦେଖୁଥିବା ଲୋକ ଘଟଣାସ୍ଥଳରେ ପହଂଚିଥିଲେ । ବହୁତ ଲୋକ ଓ ହୋ ହାଲ୍ଲା ଦେଖି ଚିତାଟି ଶିଶୁଟିକୁ ଛାଡି ଦେଇ ପଳାଇ ଥିଲା । ଆହତ ନୀରିହ ଶିଶୁଟିକୁ ନିକଟସ୍ଥ ଜିଲ୍ଲା ହସ୍ପିଟାଲକୁ ଚିକିତ୍ସା ପାଇଁ ଭର୍ତି କରାଯାଇଛି । ଶିଶୁଟିର ସ୍ୱାସ୍ଥ୍ୟବସ୍ଥା ବର୍ତମାନ ଭଲ ରହିଛି ।