ଗ୍ୟାସ ସିଲିଣ୍ଡରରୁ ନିଆଁ ଲାଗି ଶାଶୁ- ବୋହୂଙ୍କର ମୃତ୍ୟୁ

କେନ୍ଦୁଝର, ନଭେମ୍ବର ୧୩ : କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘସିପୁରା ଥାନା ସମ୍ମୁଖ ଷ୍ଟେଟ ବ୍ୟାଙ୍କ ଶାଖା ପଛପଟ କଲୋନିରେ ଅଭାବନୀୟ ଘଟଣା ଘଟିଛି । ଗ୍ୟାସ ସିଲିଣ୍ଡରରୁ ନିଆଁ ଲାଗି ଶାଶୁ ଏବଂ ବୋହୂ ଉଭୟଙ୍କ ମୃତ୍ୟୁ ହୋଇଛି । ମୃତକ ଦୁଇ ଜଣ ବିନୋଦ ଦାଶଙ୍କ ସ୍ତ୍ରୀ କାନନ ଓ ବିନୋଦଙ୍କ ମା ସୁନିତା । ସୂଚନାନୁସାରେ, ଶାଶୁ କାନନ ଚା କରିବାକୁ ଯାଇ ରୋଷେଇ ଘରେ ଗ୍ୟାସରେ ଦିଆସିଲ୍ ମାରିବା ସମୟରେ ହଠାତ୍ ନିଆଁ ଯୋରରେ ଜଳି ତାଙ୍କ ଦେହରେ ଲାଗିଯାଇଥିଲା । ଏହି ସମୟରେ ବୋହୂ ସୁନିତା ଶାଶୁଙ୍କୁ ଉଦ୍ଧାର କରିବାକୁ ଯାଇ ଗୁରୁତର ହୋଇଥିଲେ । ପରିବାର ଲୋକେ ଉଭୟଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ଉଭୟଙ୍କ ଶରୀରର ୮୦ ପ୍ରତିଶତ ପୋଡି ଯାଇଥିବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଥିବା ବେଳେ ଉଭୟଙ୍କ ମୃତ୍ୟୁ ଘଟିଛି ।