ଗାଡ଼ି ଧକ୍କାରେ ରାଜମିସ୍ତ୍ରୀଙ୍କ ମୃତ୍ୟୁ

ରାଉରକେଲା, ୧୧/୭ : ତରକେରା ପମ୍ପ୍ ହାଉସ୍ ନିକଟରେ ଗାଡ଼ି ଧକ୍କାରେ ଜଣେ ରାଜମିସ୍ତ୍ରୀଙ୍କ ମୃତ୍ୟୁ ହୋଇଯାଇଛି । ରଘୁନାଥପାଲି ପୁଲିସ ଶବ ଜବତ କରି ଆର୍ଜିଏଚ୍ ମର୍ଗହାଉସରେ ରଖିଛି । ପୁଲିସ ଦୁର୍ଘଟଣା ଘଟାଇଥିବା ଗାଡ଼ିର ସନ୍ଧାନ ନେଉଛି । ମୃତ ରାଜମିସ୍ତ୍ରୀ ଦେଓଗାଁରେ ରହୁଥିଲେ । ମଜୁରୀ କାମ ସାରି ସନ୍ଧ୍ୟା ପ୍ରାୟ ସାଢ଼େ ୫ଟା ବେଳେ ସେ ଚାଲି ଚାଲି ଘରକୁ ଫେରୁଥିଲେ ।

ତରକେରା ପମ୍ପ୍ ହାଉସ୍ ଓ ପୋଲ ମଝିରେ ତାଙ୍କୁ କୌଣସି ଏକ ଅଜଣା ଗାଡ଼ି ଧକ୍କା ଦେଇଥିଲା । ସେ ତଳେ ପଡ଼ି ଯିବାରୁ ତାଙ୍କ ଉପରେ ଗାଡ଼ିଟି ଚଢ଼ି ଚାଲି ଯାଇଥିଲା । ଫଳରେ ଘଟଣାସ୍ତଳରେ ତାଙ୍କର ମୃତ୍ୟୁ ହୋଇ ଯାଇଥିଲା । ଖବର ପାଇ ରଘୁନାଥପାଲି ଶବ ଉଦ୍ଧାର କରି ରାଉରକେଲା ସରକାରୀ ଡାକ୍ତରଖାନା ମର୍ଗରେ ରଖିଛି । ଆସନ୍ତାକାଲି ସକାଳେ ଶବ ବ୍ୟବଚ୍ଛେଦ କରାଯିବ ବୋଲି ସୂଚନା ମିଳିଛି । ତେବେ ଦୁର୍ଘଟଣା ଘଟାଇଥିବା ଗାଡ଼ିର ପୁଲିସ ସନ୍ଧାନ ନେଉଛି । ଏ ସଂକ୍ରାନ୍ତରେ ପୁଲିସ ଏକ ମାମଲା ରୁଜୁ କରିଛି ।