କେରଳ ବନ୍ୟା ପ୍ରପୀଡିତଙ୍କ ନିମନ୍ତେ ରୋଟାରୀ କ୍ଲବ୍ ରାଉରକେଲା ମିଡ୍ଟାଉନର ରିଲିଫ୍ ସହାୟତା ପ୍ରଦାନ

ରାଉରକେଲା, ୯ା୯ : ସମାଜସେବା କ୍ଷେତ୍ରରେ ନିଜର ଉକ୍ରର୍ଷତା ପ୍ରତିପାଦିତ କରିଆସୁଥିବା ରୋଟାରୀ କ୍ଲବ୍ ରାଉରକେଲା ମିଡ୍ ଟାଉନ ପକ୍ଷରୁ ଆଜି କେରଳ ବନ୍ୟା ପୀଡିତଙ୍କ ଉଦ୍ଦେଶ୍ୟରେ ସହାୟତାର ହାତ ବଢାଇଛି । ଏହିକ୍ରମରେ ସ୍ଥାନୀୟ ବ୍ରାହ୍ମଣୀ କ୍ଲବ୍ ପରିସରରେ ଆୟୋଜିତ ଏକ କାର୍ଯ୍ୟକ୍ରମରେ କ୍ଲବ୍ ପକ୍ଷରୁ ୧ ଲକ୍ଷ ୯୮ ହଜାର ଟଙ୍କାର ଏକ ଚେକ୍ କୋଲକାତା ଠାରେ ଥିବା ରୋଟାରୀ ଇଣ୍ଡିଆ ହ୍ୟୁମ୍ୟାନ ଫାଉଣ୍ଡେସନକୁ ପ୍ରେରଣ କରାଯାଇଛି । ରୋଟାରୀ ଇଣ୍ଡିଆ ହ୍ୟୁମ୍ୟାନ ଫାଉଣ୍ଡେସନ ପକ୍ଷରୁ କେରଳ ବନ୍ୟା ପୀଡିତଙ୍କ ପାଇଁ ୨୦୦ କିଟ୍ ପଠାଇବାର ଯୋଜନା ରହିଥିବା ବେଳେ ରୋଟାରୀ କ୍ଲବ୍ ମିଡ୍ ଟାଉନ ରାଉରକେଲା ପକ୍ଷରୁ ୩୩ଟି କିଟ୍ ପଠାଯାଇଛି ।

ଏହି କିଟ୍ଗୁଡିକ ୪ ଜଣିଆ ପରିବାର ନିମନ୍ତେ ଉଦ୍ଦିଷ୍ଟ । ଯେଉଁଥିରେ ଅଟେନସିଲ୍ସ, ଖାଦ୍ୟ ପଦାର୍ଥ, ଲୁଗାପଟା, ଲଣ୍ଠନ, ଟର୍ଚ୍ଚ ଇତ୍ୟାଦି ରହିଛି । ପ୍ରତ୍ୟେକ କିଟ୍ର ମୂଲ୍ୟ ପ୍ରାୟ ୬ ହଜାର ଟଙ୍କା ଲେଖାଏ ହେବ । ଏହି କିଟ୍ଗୁଡିକ କୋଲକାତାରୁ କେରଳ ବନ୍ୟା ପୀଡିତଙ୍କ ନିକଟରେ କେରଳର ରୋଟାରୀ ଇଣ୍ଟରନ୍ୟାସନାଲ ଡିଷ୍ଟ୍ରିକ୍ଟ ୩୨୬୧ ଜରିଆରେ ପହଞ୍ଚାଯିବ । ତେବେ ଏହି ସହାୟତା ସାମଗ୍ରୀ ଆର୍ଆଇ ଡାଇରେକ୍ଟର ଇଲେକ୍ଟ କମଳ ସିଂଘଭି ଓ ଡିଜିଇ ଆର୍ଆଇ ଡିଷ୍ଟ୍ରିକ୍ଟ ୩୨୬୧ ରଣଜିତ ସିଂହ ସାଇନୀ କେରଳରେ ପହଞ୍ôଚସାରିଛି । ଖୁବ୍ଶୀଘ୍ର ବନ୍ୟାପୀଡିତଙ୍କ ମଧ୍ୟରେ ଏଗୁଡିକୁ ବିତରଣ କରାଯିବ ବୋଲି ରୋଟାରୀ କ୍ଲବ୍ ରାଉରକେଲା ମିଡ୍ ଟାଉନ ସଭାପତି ସତୀଶ ଅଗ୍ରୱାଲ ସୂଚନା ଦେଇଛନ୍ତି ।

ଏହି କାର୍ଯ୍ୟକ୍ରମରେ ସତୀଶ ଅଗ୍ରୱାଲ, ଡ.ସୁବୋଧ ମେହେର, ବି.କେ. ପରମାର, ରଜନୀକାନ୍ତ ଭଜିର, ମନଜିତ ଆରୋରା, ଡି.ଆର୍. ପଟ୍ଟନାୟକ, ଅଶୋକ ଅଗ୍ରୱାଲ, ସଞ୍ଜୟ ପୁରୋହିତ, ସଞ୍ଜୟ ଅଗ୍ରୱାଲ, ବିଜୟ ଅଗ୍ରୱାଲ, ଗୋପାଳ ଅଗ୍ରୱାଲ, ମନୀଶ ଅଗ୍ରୱାଲ, ବିନୟ ଗୁପ୍ତା, ଏଫ୍.ସି. ମହାନ୍ତି, କୁଳମଣି ମିଶ୍ର, ଡ.ସନ୍ତୋଷ ଅଗ୍ରୱାଲ, ଡ.ବି.କେ. କକ୍କଡ, ଡ.ରାକେଶ ଜୈନ, ଜିତେନ୍ଦ୍ର ପ୍ରସାଦ, ମନଜିତ ପନିସର, ଗିରିଧାରୀ କେଡିଆ, ଡ.ପି.କେ. ବର୍ମା, ରାକେଶ ଗୋୟଲ, ଡ.ମୁଖାର୍ଜୀ, ସୁରେନ୍ଦ୍ର ଛାବ୍ରା, ନିରଜ ସକୁନିଆ, ରାମୋତାର ଅଗ୍ରୱାଲ, ଦିଲ୍ଲୀପ ବେହେରା, ସରୋଜ ପଟ୍ଟନାୟକ ପ୍ରମୁଖ ଉପସ୍ଥିତ ରହିବା ସହ କେରଳ ବନ୍ୟା ପୀଡିତଙ୍କ ପାଇଁ ସହାୟତା ପ୍ରଦାନ କରିଛନ୍ତି । ଅନ୍ୟମାନଙ୍କ ମଧ୍ୟରେ ଆଲୋକ ବାଗାଡିଆ, ଅରୁଣ ଟିବ୍ରେୱାଲ, ଆଦିତ୍ୟ ମହାପାତ୍ର, ଆର୍.କେ. ମିଶ୍ର ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ ।