ଭୁବନେଶ୍ବର , ଡିସେମ୍ବର ୧୪ : କୁମ୍ଭମେଳା ସମୟରେ ଅଗଣିତ ଶ୍ରଦ୍ଧାଳୁ ଓ ତୀର୍ଥଯାତ୍ରୀଙ୍କ ସମାଗମକୁ ଦୃଷ୍ଟିରେ ରଖି ଆହ୍ଲାବାଦ ଓ ପ୍ରୟାଗକୁ ଯାତାୟାତ ପାଇଁ ରେଳବାଇ ପକ୍ଷରୁ ପଦକ୍ଷେପ ନିଆଯାଇଛି। ପୂର୍ବବର୍ଷଗୁଡ଼ିକ ପରି ଏଥର ମଧ୍ୟ ରେଳବାଇ ପକ୍ଷରୁ ଅତିରିକ୍ତ ଟ୍ରେନ ବ୍ୟବସ୍ଥା, ବୁକିଂ କାଉଣ୍ଟର୍, ଯାତ୍ରା ସମୟରେ ରହଣି, ସ୍ୱଚ୍ଛତା, ପାନୀୟଜଳ, ଯାତ୍ରୀଙ୍କ ସୁରକ୍ଷା, ସ୍ୱାସ୍ଥ୍ୟ ଓ ଫାଷ୍ଟଏଡ୍ ବ୍ୟବସ୍ଥା ଗ୍ରହଣ କରାଯାଇଛି।
ମେଳା ସମୟରେ ଯାତ୍ରୀମାନଙ୍କ ସୁବିଧା ପାଇଁ ୪୧ଟି ପ୍ରମୁଖ ସ୍ଥାୟୀ ଭିତ୍ତିଭୂମି ବ୍ୟବସ୍ଥା ନିର୍ମାଣ ହୋଇଛି। ୧୦ ହଜାର ଲୋକଙ୍କ ଆଶ୍ରୟ ପାଇଁ ୪ଟି ବଡ ବିଶ୍ରାମ ସ୍ଥଳ ନିର୍ମାଣ କରାଯାଇଥିବାବେଳେ ସେଥିରେ ଦୋକାନ ଘର, ପାଣି ବୁଥ, ଟିକେଟ କାଉଣ୍ଟର୍, ଏଲ୍ସିଡି ଟିଭି ସହିତ ପୁରୁଷ, ମହିଳା ଓ ଦିବ୍ୟାଙ୍ଗମାନଙ୍କ ପାଇଁ ପୃଥକ ଶୌଚାଳୟ ବ୍ୟବସ୍ଥା କରାଯାଇଛି। ନୂତନ ପ୍ଲାଟଫର୍ମ, ପାଦଚଲା ପୋଲ, ସୁବେଦାରଗଞ୍ଜକୁ ଟର୍ମିନାଲ ଷ୍ଟେସନ୍ରେ ପରିଣତ କରିବା, ପ୍ଲାଟଫର୍ମ ସେଡ୍, ପ୍ରୟାଗଘାଟ ଷ୍ଟେସନ୍କୁ କୋଚିଂ ଟର୍ମିନାଲ କରାଯାଇ ୫ ଟି ପ୍ଲାଟଫର୍ମ, ୨ ଟି ସଫାଇ ଲାଇନ, ନୂତନ ଷ୍ଟେସନ୍ଗୃହ, ପ୍ଲାଟଫର୍ମ ସେଡ୍, ୪ଟି ଆର୍ଓବି ଓ ରାସ୍ତା ସହିତ ଡ୍ରେନ୍ ବ୍ୟବସ୍ଥା ଯୋଗାଇ ଦିଆଯାଇଛି।
Prasanta Patnaik