କରୋନା ଲାଗି ବିମାନବନ୍ଦରରେ ଯାଞ୍ଚ କଡ଼ାକଡ଼ି; ହେଉଛି ଭାଇରସ୍ ସ୍କ୍ରିନିଂ

ଭୁବନେଶ୍ୱର  : ସମଗ୍ର ବିଶ୍ୱବାସୀ କରୋନା ଭାଇରସ୍‌ର ଭୟାବହତା ଦେଖି ଆତଙ୍କିତ ହୋଇ ପଡ଼ିଥିବା ବେଳେ ମୃତ୍ୟୁ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି।  ଭାରତରେ ‘କରୋନା’ ପ୍ରବେଶ କରିସାରିଥିବା ବେଳେ ରାଜ୍ୟରେ ଏପରି ସମ୍ଭାବ୍ୟ ସ୍ଥିତିର ମୁକାବିଲା କରିବା ନିମନ୍ତେ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି।

ଉଲ୍ଲେଖଯୋଗ୍ୟ ଯେ,  ଚାଇନାରେ ଭୟଙ୍କର ରୂପ ଧାରଣ କରିଥିବା କରୋନା ଭାଇସରେ ଭାରତ ପ୍ରତି ମଧ୍ୟ ବିପଦ ସୃଷ୍ଟି କରିଛି। ଏହି ଭୂତାଣୁରେ ଏଯାଏ କେରଳରେ ୩ ଜଣ ରୋଗୀ ଚିହ୍ନଟ ହୋଇଛନ୍ତି। ଏହାର ମୁକାବିଲା ପାଇଁ ଭାରତ ସରକାର  ପ୍ରସ୍ତୁତ ରହିଥିବା କହିଛନ୍ତି।

ଓଡ଼ିଶାରେ ଏବେ ସୁଦ୍ଧା ୫ କରୋନା ସନ୍ଦିଗ୍ଧଙ୍କୁ ଚିହ୍ନଟ କରାଗଲାଣି। ଅବଶ୍ୟ ୪ଟି ରିପୋର୍ଟ ନେଗେଟିଭ୍ ଆସିଥିବା ବେଳେ ଗତକାଲି ଏସ୍‌ସିବିରେ ଭର୍ତ୍ତି ହୋଇଥିବା ଜଣେ ସନ୍ଦିଗ୍ଧଙ୍କ ରିପୋର୍ଟକୁ ଅପେକ୍ଷା କରାଯାଇଛି।