ଏକକ ନିର୍ବାଚନ ସପକ୍ଷରେ ବିଜୁ ଜନତା ଦଳ, ୧୦ରେ ଲ’ କମିଶନଙ୍କ ନିକଟରେ ପକ୍ଷ ରଖିବେ ସଂ।ସଦ ପିନାକୀ ମିଶ୍ର

ତେବେ ପକ୍ଷ ରଖିବା ନେଇ ଶ୍ରୀ ମିଶ୍ର ଗଣମାଧ୍ୟମକୁ କହିଛନ୍ତି କି, ଏକତ୍ର ନିର୍ବାଚନର ମୂଳ ପ୍ରବର୍ତକ ହେଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ୨୦୦୪ ମସିହାରେ ଏକତ୍ର ନିର୍ବାଚନ ପାଇଁ ବ୍ୟବସ୍ଥା କରିଥିଲେ । ଏପରି କି ଏକତ୍ର ନିର୍ବାଚନ କରିବା ପାଇଁ ନବୀନ ନିଜ ସରକାରକୁ ଏକ ବର୍ଷ ପୂର୍ବରୁ ଭାଙ୍ଗି ଦେଇଥିଲେ । ଦେଶର ଏକମାତ୍ର ମୁଖ୍ୟମନ୍ତ୍ରୀ ଭାବେ ନବୀନ ଏଭଳି ସାହସିକ ପଦକ୍ଷେପ ନେଇଥିଲେ ବୋଲି କହିଛନ୍ତି ଶ୍ରୀ ମିଶ୍ର । ତାଙ୍କ ଦଳ ଅର୍ଥାତ ବିଜେଡି ଏକକ ନିର୍ବାଚନକୁ ପୂର୍ଣ୍ଣମାତ୍ରାରେ ସମର୍ଥନ କରେ ବୋଲି ପିନାକୀ କହିଛନ୍ତି ।

ସୂଚନାଯୋଗ୍ୟ କି, କିଛି ଦିନ ଧରି ଦେଶର ସମସ୍ତ ରାଜ୍ୟ ବିଧାନସଭା ଏବଂ ଲୋକସଭା ନିର୍ବାଚନ ଏକ ସମୟରେ ଅନୁଷ୍ଠିତ ହେବାନେଇ ଚର୍ଚ୍ଚା ଯୋର ଧରିଛି । କେତେକ ରାଜନୈତିକ ଦଳ ଏହାକୁ ସମର୍ଥନ କରୁଥିବା ବେଳେ ଅନ୍ୟ କିଛି ଦଳ ଏହାକୁ କଡା ବିରୋଧ କରୁଛନ୍ତି ।