ସୂଚନାନୁଯାୟୀ, ଅଧିକ ଲୋକ ମୁହଁ ଏବଂ ଚେହେରା ସହ ଜଡିତ ସର୍ଜରୀ, ଚକ୍ଷୁ ରୋଗ, ସ୍ତ୍ରୀ ରୋଗ ସମସ୍ୟାର ଚିକିତ୍ସା କରାଇଛନ୍ତି । ମୁଣ୍ଡରେ ଆଘାତ ଲାଗିଥିବା ସର୍ଜରୀ ମଧ୍ୟ ଏଥିରେ ସାମିଲ ରହିଛି । ତେବେ ଦୁର୍ଘଟଣାରେ ପୀଡିତ ହେଉଥିବା ଲୋକମାନେ ଅଧିକ ଦାବୀ କରିଛନ୍ତି ବୋଲି ଜଣା ପଡିଛି । ୫୫,୪୮୨ଟି ହସ୍ପିଟାଲ ଏହି ଯୋଜନା ଆଧାରରେ ପ୍ୟାନେଲରେ ସାମିଲ ହେବା ପାଇଁ ଏନଏଚଏକୁ ଆବେଦନ କରିଛନ୍ତି । ଏଥିରୁ ୧୫ହଜାର ହସ୍ପିଟାଲଙ୍କୁ ପ୍ୟାନେଲରେ ସାମିଲ କରା ଯାଇଛି । ଆବେଦନ କରିଥିବା ୧୫ହଜାର ହସ୍ପିଟାଲ ମଧ୍ୟରୁ ୮ହଜାର ଘରୋଇ ହସ୍ପିଟାଲ ସାମିଲ ରହିଛି ।
ଆୟୁଷ୍ମାନ ଭାରତର ଡେପ୍ୟୁଟି ଚିଫ୍ ଦିନେଶ ଅରୋଡା କହିଛନ୍ତି କି, ହରିୟାଣା, ୟୁପି ଏବଂ ଛତିଶଗଡ ଭଳି ରାଜ୍ୟରେ ମଧ୍ୟ ଲୋକମାନେ ଏହାର ସୁବିଧା ଉଠାଇ ପାରୁଛନ୍ତି । ଆୟୁଷ୍ମାନ ଭାରତ ଆଧାରରେ ସରକାର ସ୍ୱାସ୍ଥ୍ୟ ଉପରେ ବିନିଯୋଗ କରୁଥିବା ଅରୋଡା ପୁଣି କହିଛନ୍ତି କି, ସେମାନେ ତୃତୀୟ ସ୍ତରୀୟ ଚିକିତ୍ସାକୁ ବାର୍ଷିକ ୬ହଜାରରୁ ୭ହଜାର ପର୍ଯ୍ୟନ୍ତ ବଢାଇବାକୁ ଚାହୁଁଛନ୍ତି । ତେବେ ପାଖାପାଖି ୫୦କୋଟି ଲୋକଙ୍କୁ ଚିକିତ୍ସା ଯୋଗାଇବା ଏହି ଯୋଜନାର ଲକ୍ଷ୍ୟ ରହିଛି । ଏହା ଦ୍ୱାରା ଗରୀବ ଶ୍ରେଣୀରେ ଥିବା ଲୋକମାନଙ୍କୁ ୫ଲକ୍ଷ ଟଙ୍କା କ୍ୟାସଲେସରେ ସ୍ୱାସ୍ଥ୍ୟ ବୀମା ଯୋଗେଇ ଦିଆଯିବ ।
Prasanta Patnaik