ରାଉରକେଲା, ୧୬ା୧୦ : ପୂର୍ବତନ ସୈନକଙ୍କୁ ନିଯୁକ୍ତି ଦାବୀରେ ୪୩ଦିନ ପୂର୍ବରୁ ଚାଲିଥିବା ଆନ୍ଦୋଳନ ଆଜି ମଧ୍ୟ ବିଶ୍ରା ଛକ ଠାରେ କଳାପତାକା ଓ ବ୍ୟାନର ଦେଖାଇ ବିକ୍ଷୋଭ ପ୍ରଦର୍ଶନ କରାଯାଇଛି । ପୂର୍ବତନ ସୈନିକମାନଙ୍କ ରାଉରକେଲା ଇସ୍ପାତ କାରଖାନାରେ ବିଗତ ୨୦ ବର୍ଷର ନିଯୁକ୍ତି କୋଟାକୁ ଏକ ସ୍ୱତନ୍ତ୍ର ନିଯୁକ୍ତି ପାଇଁ ଦାବୀ କରୁଥିବା ଆନ୍ଦୋଳନ ଓ ବିକ୍ଷୋଭକୁ ରାଉରକେଲାର ପୂର୍ବତନ ବିଧାୟକ ପ୍ରଭାତ ମହାପାତ୍ର ଓ ରାଉରକେଲା ସଚେତନ ନାଗରୀକ ମଞ୍ଚର କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ପିତବାସ ମିଶ୍ର ସମର୍ଥନ ଜଣାଇ ଏହି ବିକ୍ଷୋଭରେ ସାମିଲ ହୋଇଥିଲେ ।
ଆଜିର ଏହି ବିକ୍ଷୋଭରେ ଡ଼ି.ଏନ୍.ପଣ୍ଡା, ମୁରଲିଧର ମହାନ୍ତ, ସରୋଜ କୁମାର ପରିଡ଼ା, ଜୟନ୍ତ ବେରିହା, ଚକ୍ରାନ୍ତ ଜେନା, ମେଜର ଅକ୍ଷୟ ସାମଲ, ଧିରେନ୍ଦ୍ର ନାଥ ପଣ୍ଡା, ସାଧାରଣ ସମ୍ପାଦକ ନିର୍ମଳ କୁମାର ଦାସ ପ୍ରମୁଖ ଉପସ୍ଥିତ ଥିଲେ । ଆଗାମୀ ଦିନରେ ମଧ୍ୟ ପୂର୍ବତନ ସୈନିକମାନଙ୍କ କଳାପତାକା ପ୍ରଦର୍ଶନ ଓ ବିକ୍ଷୋଭ ବିଶ୍ରାଛକ ଠାରେ ଜାରି ରହିବ ବୋଲି ସୈନିକ ସଂଘର ସାଧାରଣ ସଂପାଦକ ଇଂ.ନିର୍ମଳ କୁମାର ଦାସ କହିଛନ୍ତି ।
Prasanta Patnaik