ରାଉରକେଲା, ୨୧ା୯ : ଦେଶର ଅଗ୍ରଣୀ ପ୍ରତ୍ୟକ୍ଷ ବିକ୍ରି କଂପାନି ଆମ୍ୱେ ଇଣ୍ଡିଆ ପକ୍ଷରୁ ଏହାର ନୂତନ ଏକ୍ସପ୍ରେସ୍ ପିକ୍ ଆଣ୍ଡ୍ ପେ ଷ୍ଟୋର୍କୁ ରାଉରକେଲା ଠାରେ ଖୋଲାଯାଇଛି । ଏହି ଷ୍ଟୋର୍ଟି ରାଉରକେଲାର ଉଦିତନଗରର କଚେରି ରୋଡ୍ ସ୍ଥିତ ସୁମିତ୍ରା ହାଇଟସ୍ରେ ରହିଛି । ଗ୍ରାହକଙ୍କ ପାଖରେ ପହଂଚିବା ନିମନ୍ତେ ନିଜର ଉପସ୍ଥିତି ବଢ଼ାଇବା ରଣନୀତିର ଏକ ଅଂଶ ସ୍ୱରୂପ କଂପାନି ପକ୍ଷରୁ ଭାରତରେ ଏହି ୬୦ତମ ଷ୍ଟୋର୍କୁ ଖୋଲାଯାଇଛି ।
ବ୍ରହ୍ମପୁର ଓ କଟକ ପରେ ଓଡ଼ିଶାରେ ଏହା ତୃତୀୟ ଷ୍ଟୋର୍ । ଏହି ଷ୍ଟୋର୍ଟି ଏକ ମିନି ସପିଙ୍ଗ୍ ସେଂଟର ଭଳି ଯାହା ଆମ୍ୱେର ଗ୍ରାହକ ଓ ବିତରକମାନଙ୍କୁ ଛୁଇଁବା/ଅନୁଭବ କରିବା ଓ ଆମ୍ୱେ ପ୍ରଦାନ କରୁଥିବା ଉତ୍ପାଦଗୁଡ଼ିକର ଉଚ୍ଚ ଅନୁଭୂତି ନେବାର ସୁବିଧା ପ୍ରଦାନ କରୁଛି । ଏହି ଅବସରରେ ଚନ୍ଦ୍ରା ଚକ୍ରବର୍ତ୍ତୀ, ଆଞ୍ଚଳିକ ପ୍ରବନ୍ଧକ-ପୂର୍ବ, ଆମ୍ୱେ ଇଣ୍ଡିଆ କହିଛନ୍ତି ଯେ, “ପଶ୍ଚିମ ଓଡ଼ିଶାରେ ଆମ୍ୱେ ପାଇଁ ରାଉରକେଲା ଏକ ଗୁରୁତ୍ୱପୂର୍ଣ୍ଣ ବଜାର ଓ ଆମ୍ୱେ ଇଣ୍ଡିଆ ପାଇଁ ଏହା ରାଜ୍ୟର ଶ୍ରେଷ୍ଠ ୫ଟି ବଜାର ମଧ୍ୟରୁ ଅନ୍ୟତମ ।
ରାଉରକେଲା ହେଉଛି ଓଡ଼ିଶାର ଶିଳ୍ପ ରାଜଧାନୀ ଯାହା ରାଜ୍ୟର ମୋଟ କାରବାରରେ ଗୁରୁତ୍ୱପୂର୍ଣ୍ଣ ଯୋଗଦାନ ପ୍ରଦାନ କରୁଛି । ରାଜ୍ୟରେ ଆମର ଉତ୍ପାଦ ପାଇଁ ଉଚ୍ଚ ସ୍ତରର ଗ୍ରହଣୀୟତା ରହିଛି ଓ ସେଥିପାଇଁ ଆମେ ଆମର ତୃତୀୟ ଏକ୍ସପ୍ରେସ୍ ପିକ୍ ଆଣ୍ଡ୍ ପେ ଷ୍ଟୋର୍କୁ ଓଡ଼ିଶାରେ ଖୋଲିଛୁ ଯାହା ଆମର ପ୍ରତ୍ୟକ୍ଷ ବିତରକ ଓ ଗ୍ରାହକଙ୍କ ପାଇଁ ସହାୟକ ହେବ । ଆମର ବିଶ୍ୱାସ ଯେ ପଶ୍ଚିମ ଓଡ଼ିଶାର ଶିଳ୍ପ ପ୍ରାନ୍ତ ରାଉରକେଲାରେ ଅବସ୍ଥିତ ଆମର ଏହି ନୂଆ ଏକ୍ସପ୍ରେସ୍ ପିକ୍ ଆଣ୍ଡ୍ ପେ ଷ୍ଟୋର୍ ଆମର ଗ୍ରାହକ ଓ ବିତରକଙ୍କୁ ଆମ ଉତ୍ପାଦର ଅନୁଭୂତି ପ୍ରଦାନ କରିବାରେ ସହାୟକ ହେବ ।
ତେଣୁ ଏହି ଷ୍ଟୋର୍ ପଶ୍ଚିମ ଓଡ଼ିଶାରେ ଆମ୍ୱେର ଉତ୍ପାଦର ଦୃଶ୍ୟମାନତା ବଢ଼ାଇବା ଓ ଉପଲବ୍ଧତା ବଢ଼ାଇବାରେ ପ୍ରମୁଖ ଭୂମିକା ଗ୍ରହଣ କରିବ ।’ ନୂତନ ଭାବେ ଖୋଲାଯାଇଥିବା ଏକ୍ସପ୍ରେସ୍ ପିକ୍ ଆଣ୍ଡ୍ ପେ ଷ୍ଟୋର୍ରେ ଆମ୍ୱେର ସମସ୍ତ ଉତ୍ପାଦ ଉପଲବ୍ଧ ହେଉଛି ।
Prasanta Patnaik