ନୂଆଦିଲ୍ଲୀ, ଅଗଷ୍ଟ ୧୯ (ଖବର ଓଡ଼ିଶା): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଫଗାନିସ୍ତାନର ସ୍ୱାଧୀନତା ଦିବସ ଅବସରରେ ରାଷ୍ଟ୍ରପତି ଅଶରଫ ଗନି ତଥା ସେଠାକାର ଜନତାଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି, ଭାରତ ଆତଙ୍କବାଦରୁ ମୁକ୍ତ ସମାଜ ଗଢ଼ିବାରେ ଆଫଗାନିସ୍ତାନର ଉଦ୍ୟମକୁ ସମର୍ଥନ ଜଣାଉଛି । ସେହିଭଳି ପ୍ରଧାନମନ୍ତ୍ରୀ ଯଥାସମ୍ଭବ ସାହାଯ୍ୟ କରିବାକୁ ଆଶ୍ୱାସନା ମଧ୍ୟ ଦେଇଛନ୍ତି । ମୋଦୀ ଟୁଇଟ କରିଛନ୍ତି ଯେ, ରାଷ୍ଟ୍ରପତି ଅଶରଫ ଗନି ଏବଂ ଆଫଗାନିସ୍ତାନ ଲୋକଙ୍କୁ ସ୍ୱାଧୀନତା ଦିବସ ଅବରସରେ ଶୁଭେଚ୍ଛା ଜଣାଉଛି ।
ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି, ଭାରତ ଉତ୍ତମ ଭବିଷ୍ୟତ ଗଢ଼ିବା ଲାଗି ନିଜର ସ୍ୱପ୍ନକୁ ବିସ୍ତୃତ କରିବା ଲାଗି ଆଫଗାନିସ୍ତାର ଆକାଂକ୍ଷା ଓ ଆତଙ୍କବାଦରୁ ମୁକ୍ତ ସମାଜ ଗଢ଼ିବାର ତାର ଉଦ୍ୟମକୁ ସମର୍ଥନ କରୁଛି । ସୂଚନାଯୋଗ୍ୟ, ଆଫଗାନିସ୍ତାନରେ ଅଗଷ୍ଟ ୧୯ରେ ସ୍ୱାଧୀନତା ଦିବସ ପାଳନ କରାଯାଇଥାଏ । ଭାରତ ସ୍ୱାଧୀନତା ହାସଲ କରିବାର ପୂର୍ବରୁ ଇଂରେଜମାନେ ୧୯୧୯ରେ ଆଫଗାନିସ୍ତାନକୁ ସ୍ୱାଧୀନ କରିଥିଲେ ।
Prasanta Patnaik