ଆଜି ପ୍ରଥମାଷ୍ଟମୀ, ପ୍ରଥମ ସନ୍ତାନଙ୍କ ପାଇଁ ସ୍ୱତନ୍ତ୍ର ପୂଜା, ଘରେ ଘରେ ଏଣ୍ଡୁରୀ ପିଠାର ମହକ

ପ୍ରଥମ ସନ୍ତାନଙ୍କୁ ପଢୁଆଁ କରିବାକୁ ମାମୁଁଘରୁ ନୂତନ ବସ୍ତ୍ର ଆସିଥାଏ । ନୂଆବସ୍ତ୍ର ପିନ୍ଧି ହଳଦୀ ପତ୍ରରେ ତିଆରୀ ସ୍ୱତନ୍ତ୍ର ଏଣ୍ଡୁରୀ ପିଠା ଖାଇଥାଆନ୍ତି ପ୍ରଥମ ସନ୍ତାନ ।

ଆଜି ମଧ୍ୟ କାଂଜି ଅଅଁଳା ଓଷା ପାଳନ କରାଯାଇଥାଏ । ଷଠୀ ଦେବୀଙ୍କ ନିକଟରେ ଶୁଖୁଆ ଭୋଗ କରାଯାଇଥାଏ । ଷଠୀ ଦେବୀଙ୍କ ସମ୍ମୁଖରେ ସାତୋଟି ଶୁଖୁଆ, କଜଳ, ସିନ୍ଦୂର ଓ ପୀତ ବସ୍ତ୍ର ରଖାଯିବା ସହ ପୂର୍ବରୁ ପ୍ରସ୍ତୁତ ହୋଇ ରହିଥିବା କାଂଜି ଭୋଗ କରାଯାଇଥାଏ ।  ଭୁବନେଶ୍ୱରର ଆରାଧ୍ୟ ଦେବତା ପ୍ରଭୁ ଶ୍ରୀଲିଙ୍ଗରାଜ ତାଙ୍କ ମାମୁଁ ଘର କପାଳୀ ମଠକୁ ଯାଇଥାନ୍ତି । ସେହିପରି ଶ୍ରୀମନ୍ଦିରରେ ମଧ୍ୟାହ୍ନ ଧୂପ ପରେ ତିନିବାଡରେ ମଙ୍ଗଳାର୍ପଣ ହୋଇ ପୁଳୁଫୁଆରି ଖଦୀ ଓ ଛେଦା ପ୍ରସାଦ ଲାଗି ହୋଇଥାଏ ।