ଅମିତ ଶାହଙ୍କ ଉପସ୍ଥିତିରେ ଦକ୍ଷିଣ ଭାରତର ଯୋଗୀ ଶ୍ରୀ ପୀଠମର ମହନ୍ତ ସ୍ୱାମୀ ପରିପୂର୍ଣ୍ଣାନନ୍ଦ ବିଜେପିରେ ହେଲେ ସାମିଲ

ପରିପୂର୍ଣ୍ଣାନନ୍ଦ ବିଜେପିର ସଦସ୍ୟତା ଗ୍ରହଣ କରିବା ପରେ କହିଛନ୍ତି, ମୋତେ ଖୁସି ଲାଗୁଛି ଯେ, ମୁଁ ଏହି ପରିବାରର ସଦସ୍ୟ ହୋଇଛି। ବିଜେପି ସବୁବେଳେ ଦେଶ ଓ ଧର୍ମ ପାଇଁ କାମ କରୁଛି। ମୁଁ ଅମିତ ଶାହଙ୍କ ମାର୍ଗଦର୍ଶନରେ କାମ କରିବାକୁ ପ୍ରସ୍ତୁତ ଅଛି। ମୁଁ ବିଜେପିରେ କର୍ମଯୋଗୀ ହେବାକୁ ଆସିଛି। ପାର୍ଟି ଯେଉଁଠାରେ ମୋର ଆବଶ୍ୟକତା ଚାହିଁବ, ସେଠାରେ ଉପସ୍ଥିତ ରହିବି ବୋଲି ପରିପୂର୍ଣ୍ଣାନନ୍ଦ ତଥା ଦକ୍ଷିଣ ଭାରତର ଯୋଗୀ କହିଛନ୍ତି।

ହିନ୍ଦୁ ବାହିନୀର ପ୍ରତିଷ୍ଠାତା ସ୍ୱାମୀ ପରିପୂର୍ଣ୍ଣାନନ୍ଦ ଆନ୍ଧ୍ର ପ୍ରଦେଶର କାକିନାଡାସ୍ଥିତ ଶ୍ରୀପୀଠମ ମଠର ମହନ୍ତ। ତାଙ୍କର ଭାଷଣ ଯୋଗୁଁ ସେ ସବୁବେଳେ ଚର୍ଚ୍ଚାରେ ରହିଥାନ୍ତି। ତାଙ୍କୁ ଦକ୍ଷିଣ ଭାରତର ଯୋଗୀ ବୋଲି କିଛି ଲୋକ ମତ ଦିଅନ୍ତି।