ଅବକାରୀ ଚଢ଼ଉ, ୬ ଗିରଫ, ୨ ପଲସର ଜବତ

ରାଉରକେଲା, ୯ା୮  : ରାଉରକେଲା ଅବକାରୀ ବିଭାଗ ପକ୍ଷରୁ ଝିରପାଣି ଓ ଜାମସେରା ଅଞ୍ଚଳରେ ଚଢ଼ଉ କରି ୬ ଜଣଙ୍କୁ ଗିରଫ କରିଛି । ଏଥିସହ ୪୩୮ ଲିଟର ଚୋରା ଦେଶୀ ମଦ ଓ ୨ଟି ପଲସର ଗାଡିକୁ ମଧ୍ୟ ଅବକାରୀ ବିଭାଗ ଜବତ କରିଛି ।

ଜାମସେରାରୁ ବେଆଇନ ଭାବେ ମଦ କାରବାର ଓ ଦେଶୀମଦ ଝିରିପାଣି ଦେଇ ଚାଲାଣ ହେଉଥିବା ଅଭିଯୋଗ ଅବକାରୀ ନିକଟରେ ହୋଇଥିଲା । ତେଣୁ ଅବକାରୀ ଅଧିକାରୀମାନେ ଝିରିପାଣି ଠାରେ ଜଗି ରହିଥିଲେ । ଜାମସେରାର ରାଜ କୁମାର ନାଗ, ମହାଦେବ ନାଗ, ପ୍ରକାଶ ନାଗ, ପ୍ରତାପ ସାଣ୍ଡିଲ, ସୁରେଶ ଚୌଧୁରୀ, ଭୀମ ନାଗ ଚୋରାରେ ଦେଶୀ ମଦ ଆଣୁଥିବା ବେଳେ ଅବକାରୀ ବିଭାଗ ହାତରେ ଧରାପଡିଥିଲେ ।

ଏମାନଙ୍କ ଠାରୁ ୪୩୮ ଲିଟର ଦେଶୀ ମଦ ଅବକାରୀ ବିଭାଗ ଜବତ କରିଥିବା ବେଳେ ପ୍ରକାଶ ନାଗ ଠାରୁ ବାଇକ୍ ନମ୍ବର ଓଡ଼ି-୧୪ଡି୯୩୧୮ ଓ ରାଜକୁମାର ନାଗଠାରୁ ନମ୍ବର ବିହୀନ ପଲସର ବାଇକ୍ ଜବତ କରିଛି । ଏମାନଙ୍କୁ କୋର୍ଟ ଚାଲାଣ କରାଯାଇଛି ।