ଅବକାରୀ ଚଢ଼ଉ: ୪ ଗିରଫ, ମଦ, ମୋଟର ସାଇକେଲ ଜବତ

ରାଉରକେଲା, ୨୦ା୯ : ରାଉରକେଲା ଅବକାରୀ ବିଭାଗ ପକ୍ଷରୁ ଆଜି ବନ୍ଧମୁଣ୍ଡା, ଲାଠିକଟା ଓ ଟାଙ୍ଗରପାଲି ଥାନା ଅଞ୍ଚଳରେ ଚଢ଼ଉ କରାଯାଇଛି । ଚୋରା ମଦ କାରବାର ଅଭିଯୋଗରେ ଅଧିକାରୀମାନେ ୪ ଜଣଙ୍କୁ ଗିରଫ କରିଥିବା ବେଳେ ୨୨୫ ଲିଟର ଚୋରା ମଦ, ୧୯୪ କେଜି ମହୁଲ ପୋଚ, ଗୋଟିଏ ମୋଟର ସାଇକେଲ ସମେତ ଅନ୍ୟାନ୍ୟ ସାମଗ୍ରୀ ଜବତ କରିଛନ୍ତି । ଅବକାରୀ ଇନିସ୍ପେକ୍ଟର ମିିହିର କୁମାର ସେଠୀ, ଏସ୍.କେ. ରାଉତଙ୍କ ସମେତ ଅନ୍ୟାନ୍ୟ ଅଧିକାରୀ ଲାଠିକଟା ନିକଟ ସୁଇଡିହିରେ ଚଢ଼ଉରେ କରିଥିଲେ ।

ସୁଇଡିହି ଗାଁରୁ ରାଜେଶ ଶର୍ମା, ବାଦଲ କିଷାନ ଓ ହୁରିଆନ କିଷାନକୁ ଗିରଫ କରାଯାଇଛି । ସେହିପରି ଟାଙ୍ଗରପାଲି ଥାନା ଅନ୍ତର୍ଗତ ଉକ୍ରଳ ବସ୍ତିରୁ ସୁଧୀର ତିର୍କୀକୁ ଗିରଫ କରାଯାଇଛି । ଚଢ଼ଉ ବେଳେ ଖବର ପାଇ ଆଉ ଦୁଇ ଜଣ ଫେରାର ହୋଇଯାଇଛନ୍ତି । ଚଢ଼ଉ ବେଳେ ୨୨୫ ଲିଟର ଚୋରା ମଦ ଓ ୧୯୪ କେଜି ମହୁଲ ପୋଚ ସହିତ ଚୋରା ମଦ ବୋହିବା ପାଇଁ ସେମାନେ ବ୍ୟବହାର କରୁଥିବା ଏକ ମୋଟର ସାଇକେଲ ଓ ଗୋଟିଏ ସାଇକେଲ ମଧ୍ୟ ଜବତ ହୋଇଛି ।